«Какаду» хайуанаттану клубы, балаларға өз білімдерін тәжірибиеде қолдана білуге , жеке әрекетінде, жануарларға деген көзқарастары мен жауапкершілігін арттыруға, үй жануарларын қарау мен бақылауды үйренуге мүмкіндік береді. Балалар жануарларды күтіп, баптап, тамақтандырып, өз жануарларын қолға үйретеді. Мұнда балалар достар мен өз пікірлестерін табады, әлемді таниды, қоршаған ортаны қорғауға және табиғатты сақтауға үйренеді. Тірі жануарлар бұрышында ұлулар, балықтар,егеуқұйрықтар,теңіз шошқасы,кірпілер, хомяктар, қояндар,теңіз және құрлық тасбақалары өсіріледі. Әр жануарға олардың өміріндегі барлық маңызды деген өзгерістер жазылатын, бақылау күнделігі жүргізіледі. Сондай ақ, клуб үнемі қалалалық байқаулар, мерекелер, акциялар, шеберлік-сыныптарын және басқа да іс-шаралар өткізеді.
