Әлемдік қоғамның назарын қоршаған орта мәселелеріне аудару үшін, сондай-ақ осы саладағы саяси қызығушылықты ынталандыру үшін ойлап табылған экологтар күні немесе Дүниежүзілік қоршаған ортаны қорғау күніне негізделе отырып, онымен қоса республикалық «Алтын балалық шақ» декадасы аясында 2024 жылдың 6 маусым күні Қостанай облысы әкімдігі білім басқармасының “Арқалық қаласы білім бөлімінің «Жас Ұлан» балалар мен жасөспірімдер орталығы” «Жаз offline» жазғы лагерь оқушылары үшін «Кішкентай ғажайыптар» кешін өткізіп, 15 оқушы қатысты. Аталмыш, іс-шара қазіргі таңдағы ауаның көптеген заводтардан ластануына орай жасыл желекті көптеп өсіру арқылы ауаны тазарту мақсатында ұйымдастырылған еді. «Жас Ұлан» БЖО-да орналасқан экологиялық клуб жетекшісі Черняева Елена Владимировна Астаналық экологтармен байланысқа шыға отырып, орталықтағы жасыл желек(гүлдер) аллеясымен таныстырды және оқушыларға гүлдерге қалай күтім жасау керетігін көрсетті. Іс-шара барысында балалар Қазақстанның экологиясы үшін жасыл желектің қандай маңызды екенін түсініп, кері байланыс жасаған еді.
